– tek historia inn i framtida

MS Atløy skal ikkje til Forbundet Kyste sitt landsstemne, men vi har fått følgande invitasjon via Liv Marit Dyrstad om å være med Bremsnes-kryssaren Bår Tommy;

Rasmus Leirvik frå Svelgen skal gå med skøyta si – Bår Tommy – til Kysten sitt stemne i Egersund. Rasmus er medlem i Kystlaget Hornelen. Han vil starte ca 14. juli og ta seg god tid, med stans om natta. Han har plass til 3-4 personar ombord. Interesserte som vil vere med eller ha følge kan ta kontakt med Rasmus på telf. 90048993.

Riksantikvaren har no gjort vedtak om å frede M/F «Folgefonn». Ferga var landets største då ho vart levert i -38. 

Diskusjonane rundt «Hamen», som ligg i Iddefjorden, pågår framleis for fullt, og stille er det heller ikkje rundt «Hestmanden»,  der det så langt er brukt 68 millionar.

Kongen skal til Gratangen og Nord Norsk Fartøyvernsenter. «Jøsenfjord» frå 1889 er tilbake til vestlandet etter mange år i Nederland.

Dette, og meir til, kan du lese i siste nyhetsbrev frå Norsk Forening for Fartøvern. Du finn det her; nytt_om_fartac2b8yvern_3_20111

MS Atløy har gjennom mange år deltatt på Torgdagen i Bergen, men må i år prioritere «Himmel og Hav» i Florø, som kolliderer.

Dette er synd, vi har alltidd hatt det bra under Torgdagen, og sosialt er det med alle dei gamle bpåtane og livet i Vågen. Vi føler likevel at vi må prioritere «heimebøen» under årest storhelg, med Kinnaspel, Sildebord, Laksen Dag,  Båtmesse og god musikk.

Meir om alt som skjer kan ein lese på denne linken; Himmel og Hav

Lurer du på kva som kjer i Florø i sommar, finn du mykje på denne lenka; Sommarbyen

M/S Atløy er no midt i hektiske veker i Bergen med mykje køyring. Av forskjellige grunnar treng vi snarast folk som kan løyse av ein dag eller tre dei neste 14 dagane.

Har du høve til å ta i eit tak, òg naudsynte papir, vi svært glade for å sjå deg ombord eller høyre frå deg.

Vi kan love gratis kaffi, godt miljø og gode opplevingar. Ta kontakt med Rolf Grønnevik på telefon 915 91 089 om dette er mogeleg for deg.

Natt til 8. februar 1954 forliste den engelske trålaren ”Laforey” av Grimsby ved Sendingane vest av Batalden i Flora kommune. Alle dei 20 personane om bord mista livet.

Etterkomarar av ”Laforey” sitt mannskap kjem til Florø og Batalden 11. juni 2011 for å delta på båttur ut til forlisstaden ved Sendingane og vere med på markering og avduking av minnesmerke i Batalden.

Alle Atløy Venner er invitert til å delta på markering og avduking av minnesmerket. Alle som vil delta, må gje Trond Strømgren tilbakemelding innan 7. juni på telefon 40 29 87 29.  Vi er også invitert til multimedieframsyning om forliset og vrakfunnet på Kystmuseet onsdag 8. juni kl. 1900. Foredrag, bilete og film v/Trond.

Programm og invitasjon finn du her; Invitasjon minnemarkering Batalden

Norsk Kulturminnefond løyvde 27. april kr. 395 000.- til restaureringa av D/S «Stavenes». Dette er summen det vart søkt om, og som skal gå til førebuingar og tilpassingar for innsetjing av dampmaskin og kjel.

Då «Stavenes» ligg ved Dåfjorden Slipp i Fitjar, er tildelinga (denne gangen) ført opp under Hordaland fylke. Kun dampskipet «Stord 1» fekk ved denne tildelingrunden meir midlar – kr. 500 000.-.

Riksantikvaren har tidlegare løyvd kr. 1 million, og DS Stavenes fekk halvparten av dei fylkekommunale kulturmidlane frå Sogn og Fjordane i år. Tildelingane viser at dei offentlege kulturmyndigheitene ser på Stavenses som eit viktig flytande kulturminne, og at restaureringa føregår etter antikvariske prinsipp.

Arbeidet på MS Stangfjord vil verte starta på nytt etter 1 Juni opplyser Åsmund Kristiansen ved Hardanger fartøyvernsenter.

Fartøyvernsenter måtte spesialbestille nokre lange lengder med hudplank til MS Stangfjord. Desse kom til fartøyvernsenteret i forrige veke, slik at no ligg det til rette for å gå i gang med prosjektet på nytt.

Då var endeleg årsmøtet gjennomført. Ved første forsøk vart innkallinga forkasta, og det vart kalla inn til nytt møte 6/5.

Her vart innkallinga godkjent og møtet satt. Rekneskapen vart gjennomgått, men gjennomgang av årsmelding og val vart utsett til nytt møte 12/5.

Styret di årsmelding finn ein her;arsmelding-2010

Referat frå møtet finn ein her; Referat 2011

Sandviken Kystkultursenter gjentek suksessen frå siste år, og skipar til maritim bruktmarknad i kystkultursenteret. Marknaden er open for alle, lokale som tilreisande, og alle som har noko maritimt brukt dei ønskjer skal skifte eigar: Smått og stort, gamalt og nesten nytt. Det gjeld også båtar! Småbåter kan visast fram på land.

Det er plass til alle, og alle kan delta: Private, lag og organisasjonar og profesjonelle selgarar.Kun profesjonelle selgarar betaler deltakaravgift. For alle andre er det gratis!

Les heile invitasjon på vedlagde pdf; invitasjon-maritimt-bruktmarked-2011

Etter uttalige oppfordringar frå medlemmar i Atløys Venner og kundar tek vi opp att tradisjonen med Fjordaferd til Nordfjord. Her vil vi forsøke å gjenskape  litt av gamle tiders liv på kaiene langs fjorden, og vi planlegg å besøke;

Kalvåg, Igland,Raudeberg, Flatraket, Barmen, Selje, Barmen, Silda, Osmundsvåg, Davik, Kjølsdalen, Ålfoten, Hestnesøyra, Sandane, Hennebygda, Utvik, Olden, Loen, Faleide, Innvik, Hopland, Torheim, Stårheim, Eid, Bryggja, Rugsund og Måløy.

Under land vil du kunne kjøpe salta brosme, tørrfisk, spekesild, klippfiak og anna av beste kvalitet. Formålet med turen er også å ta med seg nye mannskap på prøvetur. Har du lyst å bli mannskap ringer du til Ludvig på 958 76 096. Det vert ein god gjeng ombord, og meldingane er gode…..så dette vert kjekt.

Detaljert reiserute finn du ved å trykke på denne lenka; nordfjord. Det er høve for publikum å bli med på alle seglingar, og billettar vert seld ved avgang. Vi vil prøve å halde denne sida oppdatert ved endringar, men manglar båten, treff du kapteinen på brua på 911 15 501 eller samme mann i «lomma» på 958 76 096.