– tek historia inn i framtida

1415 i dag klappa MS Atløy til kai i Florø, og endeleg heime igjen. I morgon klokka 1800 er det styremøte ombord. Artikkel i Firdaposten kan du lese her og nettnyhende her.

MS Atløy gjekk fredag i 1500 tida frå Dåfjorden, og ligg no i Bergen og ventar på to karar frå Fartøyvernsenteret som kjem innom mandag fro å ta opp at kittinga i fronten. Mandag ber det på heimveg!

Elles vert helga brukt til å rgge ned presseningar og telt. Det er vår…..

Det er kome opp ein ide om å dra til Flensburg, kanskje med veteranbuss, 10-12 juli for å sjå på eit digert veteranbåtstemne.

Les meir her og finn bilder under «nachlesen». Her kjem ikkje berre båt. Frå Noreg kjem mellom anna DS Børøysund.

Ring 900 51 867 om dette kan ha interesse.

Då er MS Atløy vel framme i Dåfjorden. Avgang frå Norheimsund i går klokka 1100 og ut fjorden med ankomst 1615 på Bømlo. Gjengen blir ombord i helga, og arbeidet med driving av styrehustaket tar til mandag. Dette vil ta 3-4 dagar, så er det endeleg heim, og Årsmøte 13. mars ombord.

Atløys Venner skal arrangere Fjordsteam i Florø i august i 2010 (les meir på www.fjordsteam.no). I dag gjekk endeleg invitasjonen ut til dei omlag 40 første fartya.

10 har meldt sin ankomst allereie!

Invitasjonen kan du lese her.

Leif, Idar og Lufvik G er framleis i Norheimsund.  I morgon vert det lagt ny linoleum. Arbeidet  går som planlagt med montering og ferdigstilling, og torsdag/fredag denne veka skal alt være klart for avgang til Dåfjorden. Det einaste som vil stå igjen av arbeid er ferdigstilling av det elektriske. Dette arbeidet vil bli tatt i Florø.

I den forbindelse treng vi bakkelitt- eller porselensbrytarar og kontaktar om nokon har. Helst skal dei være kvite, og dei må være i god stand. Ta kontakt med Sander på 900 51 867 om du kan hjelpe til med dette.

For at vi skal kunne ha båt til å ha møte i vert årsmøtet utset ei veke til 13. mars kl 1900 ombord

Frå salongen

Malearbeidet vert ferdig denne veka, Ludviken skal klonast etter å ha blitt menneskesky, brua vert tett og Riksantikvaren har vore på inspeksjon.
Les heile «Nytt frå Norheimsund»

foto; Svanhilds Venner

Som mange vil vite slit Svanhild med økonomien etter underskot på 500.000 forrige sesong. For å hjelpe litt på er det derfor tromma inn til kulturdugnad, der mellom anna desse skal delta;

Knut Magnussen, Kolbjørn Taklo, Jens Brekke, Ann Kristin Takle Wintertun, Ingvar Hopland, Indre Haukedalen Sjømannskor, Halvard Lunde, Andreas Taklo, Sogn og Fjordane Orkesterforening, Ralf Johannesen, Eva Skomsø Svanø, Kjartan Hatløy, Trond Ramstad Olsen, Terje Hellesen, Exoz, Fridtjov Urdal.

Det vert også sal av heimebakst og kaffi. Åresal med fine vinstar. Forestillinga vert halden i konosalen på samfunnshuset, laurdag 28 februar frå 1930. Nytt høvet til å støtte Svanhild, treffe kjende og få litt kultur på kjøpet. Det ryktest at Indre Haukedalen Sjømannskor er verdt å få med seg……

Det vert halde Årsmøte i Atløys Venner fredag 6. mars klokka 1900 ombord ved kai i Florø. Vanlege årsmøtesaker. Styret oppfordrar gamle og nye medlemmer til å stille opp for å sei si meining.