– tek historia inn i framtida

Atløys Venner har no kome til einegeit med Vestkysten Reiseliv om ein ny samarbeidsavtale om sal og marknadsføring av Atløy. Denne avtalen regulerer forholdet oss i mellom, prisar, fakturering og plikter for dei to partane. Avtalen trådde i kraft 01/03/00, og gjeld ut året. Vestkysten Reiseliv har opsjon på forlenging av avtalen.

Vi i Atløys Venner er svært glade for denne avtalen, då vi trur Vestkysten vil være det rette organet for marknadsføring av båten. Vestkysten organiserer reiselivet i kommunane Naustdal, Flora og Bremanger og har kontor i Florø. Dei vil m.a. marknadsføre Atløy på messer og ovanfor næringslivet. Vestkysten er og forplikta til å opparbeide ein base over kundar.

I praksis medfører avtalen at Atløys Venner ikkje aktivt vil gå ut å selge båten. Vi vil framleis kunne organisere turar på førespurnad, men Vestkysten skal ta seg av den aktive marknadsføringa. Prisane vil være dei same uansett om ein leiger direkte eller frå Vestkysten. Atløys Venner kan avvike avtalt i spesielle høve der dette har med kystkultur og kulturformidling å gjere.

Denne helga inviterer vi til « Suletur », ein svært opplevelsesrik tur i Ytre Sunnfjord og Ytre Sogn. Avgang frå Florø fredag klokka 1600 til Bulandet med innlagt stopp i Værlandet. Dersom været er bra, vil nokre spasere over øya, og folk frå Værlandet kan då vere med båten. Vi kjem Ca kl. 20:00 til Nordens Venezia, Bulandet og inviterer lokale krefter ombord til fest og moro.

Laurdags morgon går vi frå Bulandet til Hersvik og vidare til Buskøy, Færø, Lågøy, Hardbakke, Ytrøygrend, Gjønnevåg, Utvær (Noregs vestlegaste busetning ; berre dersom været tillet det), Indrevær, Kolgrov, Nåra og til slutt Hardbakke igjen. Her kan ein overnatte på Hardbakke Pensjonat for ein rimelig penge. Rekekveld på kaia med trekkspill og dans.

Søndag etter frukost til Florø igjen, med innlagt stopp på den gamle Lågøy Landhandel. På turen nordover går vi vest av Atløy, forbi Alden (Den norske hesten) og Vilnes, forbi Staveneset til Florø.

Turen kostar 500,- pr pers. I tillegg kjem mat og overnatting. Muligheit til å overnatte ombord (enkel standard) til 100,-/natt. Max 30 passasjerar.

All booking til desse turane vil bli gjennom Vestkysten Reisleiv i Florø, telefon 5774 7505.

Som dei fleste har fått med seg har det versert ein diskusjon mellom Hamnesjef og Atløys Venner den siste tida. Hamnesjefen kan av forståelige grunnar ikkje gi oss gratis kaiplass, og vi måtte derfor ta saka opp med Hamnestyret. I mellomtida dukka Bjørn Hollevik opp, og tilbydde oss kaifronten til den gamle Sunndalsbua.  

Vi var usikar på om det var nok vatn der, og  Idar Nordstrand og Ludvik Grytten har derfor lodda djupnene i helga. Dette ser  ut til  klaffe bra, og vi tar derfor sikte på å bruke denne kaia i sommar. Leif Stafsnes som eig nabokaia er også innforstått med dette, og har velvillig stilt opp. Vi vil nemlig komme til å skjerme nokre meter av hans kai.  

Hamnestyret er gjort merksam på at vi vil hamne i same uføret neste år, og vi ber derfor om at dei allereie no diskuterer ei varig løysing for Atløy.

Det er pr dato kome inn bestillingar for ca 340.000,- kroner. Dette er ny rekord, og dersom alle turar går som planlagt, kan vi allereie no slå fast at den kommande sesongen blir den beste i Atløys Venner si historie. 

I tillegg til denne gledelige utviklinga, ligg vi òg på forskrudd økonomisk. Vanlegvis ligg vi på etterskudd når vi er kome så langt på våren, – i år har vi fortsatt penge. Grunne til dette er først og fremst Framdansen, Lotteriet og at Sildelaget har betalt inn det som stod ute frå 95, med god rente.

FLORØ: Etter at den gamle postluka på M/S «Atløy» hadde vore på vidvanke i 15 år, kom den tilbake via posten før nyttår. Med det er den komen heim att til det nyrestaurerte postkontoret i veteranbåten.

GLADE FOR POSTLUKA: Frå venstre Svein Lind-Hansen, Kjartan Tveranger og Erling Eliassen er glade for at den originale postluka om bord i M/S «Atløy» no er på plass igjen.
 Foto: Jan Atle Stang
 

Den fine postluka i støypejern som hadde pryda ytterveggen på postkontoret ombord på M/S «Atløy» sidan båten kom i rute, vart stolen ein varm sommardag i 1985. Båten låg fortøydd ved Fylkeskaia då ein eller annan sneik seg bort og skrudde av den forholdsvis tunge luka i støypejern.

– Vi trudde ikkje våre eigne auge då vi merka at luka var borte, og aller minst trudde vi den ville komme til rettes att etter så mange år, seier ein av dei som segla med Atløy gjennom mange år, Erling Eliassen.

Utan avsendar
Men gleda var desto større då det viste seg at tjuven hadde angra syndene sine. Postluka vart i fjor sendt attende via posten. Og mottakaren var Kystmuseet.

– At det ikkje sto avsendar på pakken forstår vi godt, men det betyr ikkje så mykje no når den er komen til rette att, seier tre av karane som fleire gonger i veka er om bord i veteranbåten for å jobbe eller slå av ein prat, Svein Lind-Hansen, Kjartan Tveranger og Erling Eliassen.

Laga kopi
Nei, dei hadde ikkje trudd at luka ville komme til rettes att, og difor gjekk Erling i gang med å lage ein kopi i tre av den originale luka. Den kom på plass for eit par år sidan, og når sant skal seiast, var den svært lik den originale.

– Det får ikkje hjelpe at den er lik, den rette luka skal no på plass, seier Erling Eliassen.
Og når den gamle postlugaren no er komen attende til si rette form og postluka på plass, er ein viktig detalj av restaureringa i boks. Heile båten skal attende til den utsjånaden den hadde då den gjekk ut av ordinær rutetrafikk i 1974, så dugnadstimane er mange ennå. Men med den gode dugnadsånda og den gode sosiale atmosfæren som er om bord i dag, bør ingen tvile på at Florø og kysten vil få eit praktekspemplar av ein veteranbåt i framtida.

Lite medlemsoppdatering
Beklager, det har no gått 5 mnd sidan siste info. Ein del skyldast mangel på pengar, ein del skyldast manglande system. Vi kjem no sterkt tilbake. 1999 kunne blitt slutten for den gode gjengen vi har på grunn av mykje unødvendig motbør. 

1999 sesongen spolert.
Året starta bra, vi henta båten i Norheimsund etter at fordekket var skifta. Vi starta straks på klargjering til sesongen. Skipskontrollen hadde gitt klarsignal på at vi kunne gå utan salongen på 2.de klasse framme ferdig. På slipp i Måløy kom den store bomba ; I form av ein faks fekk vi beskjed om at båten ikkje ville bli sertifisert før alt stål som var redusert med meir enn 20% var skifta. Dette skjedde før ein einaste inspektør hadde vist seg om bord. Vantru tok vi kontakt med Skipskontrollen, og fekk avgjerda bekrefta. Vi prøvde og å finne ut kva kravet var, utan at dei same kunne hjelpe oss med det. Etter samtalar med Veritas fann vi rett platetjukne, og starta målingar med ultralyd. Av 1.200 målingar synte det seg at berre 2 punkt var under kravet. Konfrontert med dette svarte Skipskontrollen at desse punkta måtte utbetrast, og at dei i allfall ikkje kunne sertifisere før etter 6 veker p.g.a. ferie (!!). Vi såg slaget som tapt, og bestemte oss for ikkje å ta opp ein nyttelaus kamp. Don Quijote slost mot vindmøller, – det hadde vi ikkje tid til.

Forskot frå Kulturby Bergen.
Eit raskt overslag tilsa at vi trengde ca 120.000 for desse utbetringane. I tillegg ville vi utbetre eindel spant som vi såg var klar for det. Via ein avtale om deltaking for Sogn og Fjordane Fylke v/Kulturetaten under Kulturby Bergen mottok vi forhandsbetaling på min 150.000,- og kunne såleis sette i gang. Arbeidet vart utført i Dåfjorden, og er så langt godkjent av Skipskontrollen i Haugesund. Etter dette gjekk båten til Norheimsund og Hardanger Fartøyvernsenter for ferdigsilling av Båtsmanns- og Skipperlugar. Messa vart også delt, slik at det gamle billettkontoret og postkontoret no er slik det var då Atløy gjekk ut av drift. Det er ei glede å sjå dei nye lugarane, og HFS har gjort ein bra jobb. Dette arbeidet skjedde med støtte frå Riksantikvaren. P.t. har vi fått signal om at Riksantikvaren også vil yte midlar til oppattbygging av 2. klasse salong forut dersom vi kan komme opp med ein tilfredsstillande dokumentasjon.

Eiga heimeside.
Nytt av året er at vi snart vil være tilgjengelig med eiga heimeside. Dette vil lette informasjonen mykje. Sjekk  opp www.atløy.no om nokre veker. Her vil mykje informasjon bli lagt ut. Salet for sesongen ser svært bra ut, og vi har pr dato solgt turar for ca 250.000,- så dette lovar bra. Med Atløy lotteri (73.000) og Framdans (45.000) har vi også greidd oss økonomisk fram til no. Ny turbo og ny ankerkjetting er kjøpt inn, men det finnast fortsatt litt på konto

Dugnad kvar måndag
Atløy ligg no på Kleven for klargjering og grunning av salongen framme. Til hausten vil denne bli oppattbygd. Det er arbeid om bord kvar måndag frå ca 1800, så har du lyst må du gjerne ta ein tur om bord, -om ikkje anna så for ein kopp kaffi.

Årsmøte
Hugs også Årsmøtet 29/02/00 klokka 1800 på Kakebua. Her kan du mellom anna være med å bestemme medlemssturar for sesongen. Vær også bra å betal medlemsavgift, slik at vi kan fortsette å sende ut medlemsinfo.

1999 sesongen spolert.
Mykje har skjedd sidan siste info. Det er berre å beklage at det har vore eitt opphold på eit par månader, men eg lover å komme sterkt tilbake.  Som dei fleste vil være klar over vart passasjersertifikatet tatt frå oss medan vi stod på slipp i Måløy. Dette har gjort at vi denne sesongen ikkje har hatt køyring, og vi kan dermed bokføre tapte inntekter på 250.000,-. Aktiviteten er ikkje stilna med det, men er kanskje meir vridd over på å finne alternative kjelder til å finansiere vedlikehaldet.

Grunnen til at sertifikatet vart inndrege er iflg Skipskontrollen i Florø v/avdelingsleiar Ulvøen at platetjukna er for tynn. Kravet er derfor at alt stål som er redusert med meir enn 20% skal skiftast før sertifikatet vert fornya. Dette vart gjort utan at Skipskontrollen sette sin fot verken ombord eller på slippen. Vi har etter dette vært på ny slipping og gjort ca 1.200 målingar med ultralydutstyr velvillig lånt ut frå Kværner i Florø. Av desse 1.200 målingane var det 2 –to- som låg under kravet. Vidare har vi hatt sakkunnige skipsingeniørar om bord, samt styret i Noregs Fartøyvern Foreining. Dei stiller seg alle noko undrande til Skipskontrollen sin oppførsel, særleg då dei ikkje har vært om bord.

Skuffa over skipskontrollen
Dette var fakta. Eg vil gjerne for eiga rekning få legge til at eg er svært skuffa over Skipskontrollen si handtering av saka. Det kan verke som om ein har bestemt seg for at Atløy skal bli liggjande ved kai, uvisst av kva grunn. Når dei vart konfrontert med resultata frå prøvemålinga fekk vi beskjed tilbake om at spanta sikkert var i dårleg forfatning.  Dessutan kunne dei ikkje komme ombord på dei neste 5 vekene p.g.a. ferie (dette var i slutten av juni). Alt dette skjedde naturleg nok munnleg. Eg vil også tru at ein statleg etat også må forholde seg til forvaltningslova. Eg kan ikkje sjå at det er anna enn tenesteforsømming frå etaten si side å ta frå oss inntektsgrunnlaget utan ein gong å utføre den kontrollen dei er pliktige til. Eg skulle også gjerne sett dei gjere det same mot eit reiarlag med andre ressursar enn oss. Vi kan ikkje betale for dyre advokatar for å greie ut, sjølv om eg er sikker på at Skipskontrollen hadde tapt ei evt sak. Norsk Foreining for Fartøyvern ser no på saka, og prøver å få til eit nasjonalt kontrollorgan for verneverdige skip, slik at ein slepp slik tilfeldig behandling i framtida. Eit anna mål er at alle skip får lik behandling. Dersom ein tar seg ein tur langs Aker Brygge ein sommardag er det ikkje vanskeleg å sjå at praksisen ikkje er den same i Oslo som i Sunnfjord. Eg understrekar at dette er for eiga rekning, då verken Andeslaget eller Atløys Venner ønskjer å føre denne saka vidare.

Salong og innreiing i forskipet demontert
For å komme til for inspeksjon vart salong og innreiing i forskipet demontert. Vi har allereie løyving frå Riksantikvaren til å bygge opp at salongen, men ynskjer ikkje  å gjere dette før skroget er tipp topp. Sjølv om berre to punkt låg under kravet, er det likevel turvande å skifte nokre plater og eit par spant på mellomlang sikt. Vi arbeider derfor no med å skaffe midlar til slik reparasjon, slik at vi kan få utbetra dette på verft allereie i haust. Etter dette vonar vi å kunne gå rett til Hardanger Fartøyvernsenter for å bygge opp at salongen. Alt skulle dermed tyde på at vi vil være i trafikk igjen til 1. mai år 2000.  Vi vil finansiere dette slik;

Atløy representant for Sogn og Fjordane
Vi arbeider saman med Fylkeskultursjefen for å få til eit opplegg til 2000 jubileet som representant for Sogn og Fjordane Fylke. Søknad på prosjektmidlar er sendt, og vil truleg gi inntil 200.000,- Vi kjenner enno ikkje utfallet, men ting tyder på ei positiv handsaming.

Arbeidet med å skaffe pengar
Ragnar Kristiansen har gitt ein modell av Atløy til Atløys Venner. Denne vert brukt som hovudgevinst i eit lotteri som no er i gang. Dersom vi gjer ein god jobb her vil lotteriet gi 100.000,- Loddsalet er akkurat starta, men det er allereie seld lodd for over 10.000,- Ønskjer du ein sjanse til å vinne den fine modellen tar du kontakt med Astrid Alsaker som er lotteri-ansvarlig, på telefon 577 42 183.

Vi går ut til einskildbedrifter og ber om sponsorstøtte. Her har særleg Leif Kvalvik utmerka seg, og så langt fått inn over 35.000,-

Med denne infoen ligg giro på årets medlemsavgift i Atløys Venner. Forutan å støtte arbeidet vil du gjennom medlemskap få oppdatert informasjon om det vi held på med ca 10 gonger i året.

Andelslaget har også sett i gang arbeidet med å selje andelarm til bedrifter og  privatpersonar.  

Dersom vi alle står på skulle det derfor ligge an til nye turar neste år. Mykje skal skje neste år, bl.a. vil det nok bli arrangert medlemstur til veteranbåtreffet ”Nordsteam 2000” i Bergen, og kanskje tur Kysten sitt landsstemne. Begge desse arrangementa vil bli ei oppleving for folk som er opptatt av kystkultur.

Når det gjeld landbase er det kome i gang eit interessant samarbeidsprosjekt, men dette vil eg komme tilbake til i neste info.

Sesongen er no halvveis over, og vi går inn i den stille å perioden med ferieavvikling. Etter ein del misnøye ombord er avtalen med Vestkysten no på det nærmaste reforhandla, slik at Vestkysten framover vil få ein kommisjon på 500,- pr tur, i staden for 400,- pr gangtime som dei har hatt til no. Dette vil naturlig nok føre til auka inntekter for båten. 

Andelslaget Atløy som eig båten hadde Årsmøte tysdag 30.06. Rekneskap, budsjett og årsmelding vart godkjent, og Vestkysten-avtalen vart diskutert. Rekneskapen gjekk i fjor ut med eit overskot på ca 50.000,-, noko som er ca 15.000 betre enn fjordåret. I tillegg var det semje om at styret må diskutere seg gjennom prispolitikk for neste år. Det vart frå Årsmøtet ytra ønske om lågare prisar, slik at også lag, foreiningar og skular kan nytte båten i større grad. Dette både fordi vi i dag ligg høgt i pris, konkurransen er auka, men ikkje minst fordi vi har eit ansvar for å formidle båten som eit levande kulturminne, ikkje minst til ungdom.  Ved ein event. auka aktivitet vil det verte ei utfordring å finne nok frivillig mannskap.

Vi skal som kjent flytte ut frå lageret i kanalen, som no vert disponert av Kystmuseet. I framtida vil vi måtte gå for ei delt løysing, der vi leiger eit lokale ved Solheim Diesel til lager og på sikt kanskje også verkstad. I tillegg har Kystmuseet inngått avtale med Global Florø om 5 års lån av notahenga i Ausa. Her kan vi låne plass, mot at vi hjelper til med flyttinga. Planen er at vi skal rydde og flytte kanalen 6. juli klokka 1700, deretter skal Kystmuseet rydde sitt. Søndag 12. juli vert det rydding av henga, og vi ber så mange som mulig stille denne søndagen. Vi har fått låne oppdretts båt av Gudmund Strømsnes, og 2 truckar av Global Florø. Vi vil såleis vonleg få gjort mykje denne dagen, men vi er avhengige av at det stiller nok folk, slik at båten kan gå i skyttel heile dagen. Still derfor opp på Kinn Salmon (gamle Skaarfish) si kai søndag klokka 0900 for transport over til henga. Arbeidet med Hellesen bua går tregt, og vi ventar på kommunen i spenning.

Fellesturen til Bulandet vart ein suksess, og folk hadde ein kjempetur. Med dette friskt i minne vert det derfor satt opp ny ”Suletur” nest siste helga i august. Programmet er ikkje fastsett enno, men for spørsmål kan ein kontakte Vigleik Farø, som er turansvarleg. Laurdag vil det verte dans og moro i Hardbakke, søndag tur i Ytre Sula og evt Utvær. Vi minner og om Jacob Sandefestivalen 7de til 9de august. Program og påmelding ombord (i permen).

Framdekket er no ferdig lagt, og vi har akkurat fått melding om at Riksantikvaren forskoterer midlar til å starte på lugarane på øvste dekk og postlugaren. Då denne beskjeden kom svært seint, vil Fartøyvernsenteret berre kunne arbeide inntil slutten av månaden med lugarane. Dette vil allike vel være tid nok til å få ei oversikt over evt skadar, slik at vi kan fortsette arbeidet her. Det er i alle høve eitt godt signal for neste vinter; arbeidet i regi av Fartøyvernsenteret vil halde fram. 1. mars står framleis fast som siste retur til Florø, og vi må belage oss på mykje arbeid etter ”heimkomsten”. Resten av 2. klasse skal rivast, og vi veit allereie at vi må skifte eit par spant, sjekke tanktoppar og kofferdam (?). Dobling av ei plate i baugen må og sjekkast, og Skipskontrollen vil kontrollere tjukna på skroget. Alt dette må vonleg gjerast å slipp av fagfolk. Vi vil også prøve å få med oss ein ingeniør frå Bredalsholmen, som vil ha svært god kunnskap om stål og skrogarbeid på klinka båtar. Ein midertidig plan går derfor ut på å gjere alt klart for slipp før påske, for å gå på slipp rett etter påske. Oppstart for sesongen vil bli 15de mai, men vi har allereie ein tur siste helg i april dersom vi blir ferdig.

Ein modell for sponsing av Atløy er no klar, og prosjektet for ”Atløyfondet” er ferdig utarbeida slik at salet av prosjektet kan ta til. Prosjektet er godkjent av styra i både Atløys Venner og Andelslaget Atløy, og ser ut omlag som presentert i siste brev. Siste frist for på teikning er sett til 31 mai, og minstebeløp er sett til 5.000,- pr år i fem år. Det har allereie meldt seg interesserte, så dette ser svært lovande ut. Dersom det er medlemmer som har gode forslag til sponsorar, og kan jobbe litt med dette, er eg glad for ein lyd på mob 900 51 867. Svein Lin Hansen har også eit interessant prosjekt på gang som kan kaste pengar av seg, men han treng hjelp. Nøl ikkje med å ta kontakt dersom du føler at du kan yte ein skjerv.

På styremøte i Atløys Venner vart også dato for Årsmøte sett til 4 mars klokka 18.00. Fullstendig innkalling vil komme i Firdaposten ca 14 dagar før møtet. Styremøtet i Andeslaget vedtok å låne 50.000,- frå Fylkeskulturkontoret, som styret sjølve kausjonerer for. Desse pengane var nødvendig for å hente Atløy ut frå verftet, og Fylkeskulturkontoret har velvillig stilt opp med rentefritt lån.

Når det gjeld landbase kan det sjå ut som om vi kan være med på eit prosjekt ved flyplassen. Ein gammal hall på ca 600 kvm skal rivast, og kan overtakast vederlagsfritt. Hallen treng ein del stell, ei platting må støypast og det må trekkast fram strøm. Vi håper å få dette til på dugnad, men må allikevel  regne med ei utgift. I hallen kan vi vonleg få til ein verkstad, og kanskje også eit avgrensa lager.

Vi er allereie langt ut i desember, og alle saknar vi vel båten. Arbeidet med fordekket er under sluttføring, og innan måndag skulle det meste være klart. Grunnen til at dette gjekk så raskt er forutan godt arbeid frå Fartøyvernsenteret si side det gode forarbeidet vi sjølve gjorde. Kanskje skulle vi henta båten heim før jul, men det kan sjå ut som om det kan verte løyvingar til å bygge opp at dei to lugarane på øvste dekk og postlugaren. Inntil vi får dette avklara, vil vi avvente retur. Det som er heilt sikkert er at siste dato for ankomst Florø blir 1 mars. Tida fram til mai må vi då ha skal vi ha ein sjanse til å bli ferdig. Resten av 2. plass salong skal rivast, og stålet inspiserast. Dette kan by på overraskingar, men så langt har det sett betre ut enn ein kune forvente.

Sponsorarbeidet er godt i gang, og vi vil legge opp eit  prosjekt mot 4 til 5 hovudsponsorar. Tanken er at desse skal gå inn med ein årleg fast sum til eit fond styrt av dei samme sponsorane saman med andelslaget og Atløys Venner. Lag og organisasjonar kan søke om pengar frå fondet for bruk til leige av Atløy. Dei må sjølve betale delar av kostnaden, mens resten vert dekka av fondet. På denne måten får sponsorane profilert seg to gonger; ved å støtte Atløy og samtidig ovanfor lag og organisasjonar som ynskjer å bruke båten. For vår eigen del vert gleda større, då vi rekk ut til fleire og meir aktivt kan formidle Atløy som den kystkulturbærar vi ønskjer den skal være. Innan midten av januar vil vi ha klart eit prospekt som vi vil presentere ovanfor mogelege sponsorar.

Vi har fortsatt ikkje funne eit godt lager for maskina vi kjøpte i fjor, og andre ting som ikkje treng lagrast ombord. Vi håper på ein landbase innan 2 år, men inntil dess er vi i beit. Svein Lin Hansen hadde nokre gode idear, og vil jobbe vidare med desse.

Også i år legg vi opp til julebord. I år, som i fjor, vil dette bli på Victoria Hotell. Hotellet har klart å få til ein spesielt god pris, og ønskjer velkommen til julebuffet for 250,- . Dagen er fredag 18de desember, og vi møtes i lobbyen klokka 19:00. Har du lyst å være med, så ta kontakt med Kjartan på telefon 5774 2417. Vær rask, vi har eit begrensa antall plassar. Siste frist for påmelding er 14.12.98.

Til slutt ei lita gladmelding. ABB i Førde har hatt generatoren til full overhaling, eit arbeid som normalt ville koste 25.000 kroner. Dette spanderer dei !!

 God Jul & Godt Nytt År !!!!